Murar med fagbrev

Aktuelle arbeidsstader

Som murar kan du få jobb i murarmeisterbedrifter, entreprenørbedrifter, kommunar, fylkeskommunar, staten eller eigedomsforvaltningsbedrifter.

Sentrale arbeidsoppgåver

Murarfaget omfattar muring av nytt murverk og rehabilitering og restaurering av gammalt murverk. Sentrale arbeidsområde er

• teglsteinsmuring og blokkmuring
• flislegging, våtromsarbeid, smøremembranar
• skifer- og natursteinsmuring
• puss og overflatebehandling
• muring og montering av peis og andre eldstader
• muring og montering av piper og pipeelement

Personlege eigenskapar

I murarfaget er mange moderne hjelpemiddel tekne i bruk, men tradisjonelle handverksmetodar dominerer framleis. Du må vere nøyaktig og ha godt handlag, praktisk sans og god fysikk. Muraren skal kunne kommunisere med kundar og kollegaer og kunne arbeide planmessig.