Dersom du er over 25 år og ikkje har fullført vidaregåande utdanning før, har du rett til vaksenopplæring og kan få tilbod om gratis opplæring. Andre kan også søkje og kan få tilbod om opplæring dersom det er ledige plassar
Vaksenopplæring bygg- og anleggsteknikk
Hausten 2024 startar vi opp utdanningstilbod for vaksne innan bygg- og anleggsteknikk.
Målgruppe
Målgruppa er i hovudsak vaksne med norsk som andrespråk, men er ope for alle vaksne som ikkje har fullført vidaregåande skule, og som har vaksenrett til vidaregåande opplæring. Dersom det er ledige plassar, kan også andre søkje om å få tilbod om skuleplass. Kan du vise til realkompetanse, vil du kunne få praksisen godkjent som del av opplæringa.
Gjennomføring
Utdanninga er fireårig, der sluttkompetansen er fagbrev som tømrar. Det vert lagt opp til ein kombinasjon mellom teori og praksis frå første skuleår, gjennom at eleven vekslar mellom opplæring i skulen og opplæring i bedrift. Skulen vil i lag med NAV og opplæringskontor skaffe deg praksisplass og læreplass. Det er eit mål at du skal få tilbod om praksisplass så nær som mogeleg til der du bur.
| Døme på opplæringsmodell for tømrar | 1. år | 2. år | 3. og 4. år |
| Programfag | Opplæring i bedrift | ||
| Praktisk yrkesutøving | X | ||
| Arbeidsmiljø og dokumentasjon | X | ||
| Yrkesfagleg fordjupning (YFF) | X | X | |
| Konstruksjonar og klimaskall | X | ||
| Vindauge, dører og innvendig arbeid | X | ||
| Materialeigenskapar, varmeisolering og tetting | X | ||
| Fellesfag | |||
| Matematikk | X | ||
| Naturfag | X | ||
| Engelsk | X | X | |
| Norsk | X | X | |
| Samfunnskunnskap | X |
1. og 2. år vil veksle mellom opplæring i skule og opplæring i bedrift.
Spørsmål, rettleiing og søknad
Har du spørsmål, kan du ta kontakt med rettleiingstenesta
Klikk her for ei oversikt over Vestland fylkeskommune sitt vidaregåande fagtilbod for vaksne
Søknad må sendast via vigo.no.
Klikk deg inn på vaksenopplæring/realkompetansevurdering og føl instruksjonane du får. Legg inn ønska sluttkompetanse, tidlegare skulegong og praksis. Dersom du ønskjer rettleiing, kryssar du av for dette. Søknadsfristen er 1. mars, men du kan også søkje etter fristen.
