Stryn vgs har søkt om midlar gjennom Erasmus+ for at elevar skal få nytt praksisopphald på Kreta våren 2027.
I tre veker i mars 2026 fekk fire av elevane våre høve til å ha praksis ved Annousakeio Medical Center i Kissamos på Kreta. Det vart eit svært vellykka opphald!
Annousakeio er ein moderne helseinstitusjon som tilbyr pleie- og rehabiliteringstenester, og er ein viktig del av det lokale helsevesenet i regionen. Her får norske elevar innsikt i korleis omsorg og behandling blir organisert i ein annan europeisk kontekst – og får høve til å bidra med sin kompetanse i eit internasjonalt arbeidsmiljø.
Kva får elevane oppleve?
- Praktisk arbeidserfaring innan pleie og omsorg
- Samarbeid med greske fagpersonar og pasientar
- Språktrening og kulturforståing
- Personleg utvikling og styrka sjølvstende
Kvifor Erasmus+?
Erasmus+ gir elevar moglegheit til å utvide horisonten, styrke fagleg kompetanse og bli tryggare i møte med nye utfordringar. Praksisopphaldet på Kreta er ein del av skulen sitt arbeid med internasjonalisering og livslang læring.
