Vi ser fram til å møte deg måndag 17. august! Det blir samla oppstart for alle i kantina kl 09.
Her blir det felles informasjon før klassane går samla til basisrommet sitt saman med kontaktlærar. Elevmentorane vert med klassane sine allereie første skuledag.
Kantina er open, her kan du kjøpe god og rimeleg mat. Frå og med tysdag får du gratis havregrynsgraut til frukost!
Her er nokre viktige ting å hugse på:
Elev-PC
Alle elevar må ha eigen PC. Dersom du er ny vg1-elev, kan du nytte deg av ordninga med å kjøpe rimeleg elev-PC gjennom fylkeskommunen sin avtale med Komplett.
Trykk her for å lese meir om ordninga med elev-PC.
Skuleskyss
Dersom du bur meir enn 6 km frå skulen, har du rett på gratis skuleskyss. Du kan søke om skuleskyss når du takkar ja til tilbod om skuleplass, alle elevar må søke om skyss kvart skuleår.
Elevar frå Vestland kan trykke her for å lese meir om skuleskyssordninga.
Elevar frå Møre og Romsdal kan trykke her for å lese meir om skuleskyssordninga.
Stipend frå Statens lånekasse
Alle elevar med ungdomsrett har rett på utstyrsstipend. Du kan i tillegg ha krav på bortebuarstipend og/eller inntektsavhengig stipend. Søk gjerne med det same du har takka ja til skuleplass, siste frist er 15. november!
Trykk her for å lese meir om dei ulike stipenda frå Statens lånekasse.