Infosamling Landslinje for skiskyting 13. - 15.januar
Er du interessert i skiskyting eller langrenn? Og ønskjer å kombinere utdanning og toppidrett? Då har Stryn vidaregåande skule ei interessant utdanning for deg!
Publisert 06. januar 2020
Vi ynskjer å invitere deg som er fødd i 2004 på infosamling i Stryn frå måndag 13. januar til onsdag 15. januar. Målet med samlinga er at dokke skal få informasjon om det spanande tilbodet vi har på skulen, samt at vi skal trene godt. Vi startar måndag ettermiddag kl. 18.00, og avsluttar etter lunch på onsdag, ca kl. 12.30.
Vi gjennomfører fire treningsøkter. Ei på måndag kveld, to på tysdag og ei på onsdag. Dei to første øktene trenar dokke ilag med trenarane på Stryn vidaregåande skule, medan dei siste to øktene trenar vi saman med elevar på landslinja skiskyting på Stryn vidaregåande skule. Meir info om programmet vil kome når det nærmar seg.
Vi overnattar på skistadion i Ullsheim. Vi ynskjer at flest mogleg skal få vere med på denne samlinga; difor er opphaldet inkludert mat gratis!! Busstasjonen ligg rett ved skulen, vi fraktar deg siste stykket.
Visste du forresten at Stryn vidaregåande skule tilbyr yrkesfag i kombinasjon med toppidrettsstudiet skiskyting? Det er vi veldig stolte av å få til, og det er ei stor glede for oss å kunne tilby elevar på yrkesfag denne kombinasjonen.
Velkomne til ei sosial og fartsfylt samling!
Påmelding eller spørsmål kan du sende til: Sjur Ole Svarstad.
Påmeldingsfrist 10. januar.
Tlf 913 72 783. E-post: Sjur.Ole.Svarstad@sfj.no
